masarap sa pakiramdam ang tumulong
–”small things occupied big spaces in everyone’s heart”–
ang sarap sa pakiramdam, di maipaliwanag, feeling ko nga pwede na kong mamatay. ( wag naman sana ) kahit na di ganong kalakihan ang naitulong ko, ang laki naman nang naging epekto nito sa buhay ko bilang tao.
marami akong nahawakang kamay, kamay ng mga taong nakuha pang ngumiti at sumakay sa mga biro namin sa kabila ng naranasan nilang sakuna dahil sa bagyong ONDOY.
mga taong bumangon muli, dahil alam nila “LIFE MUST GO ON”.. .
Maramiakong nakitang mukha… mula sa mga batang tumutulo pa ang sipon, lumalamutak ng candi’t lollipop habang hawak-hawak ng kanilang mga ina. mga dalaga’t binatang may mga asawa’t anak na, ang iba pa nga’y buntis at bagong kapapanganak lamang.pero ang di ko makakalimutan sa kanilang hanay ay ang isang batang lalaki na nasa edad 14-16 na nakapila rin, at di umano’y nawalan na ng magulang. di makausap ng maayos, wala sa sarili at mamaga-maga pa ang mga mata. bakas sa kanya ang kalungkutang di maipaliwanag.
ang pinakamaraming pumila ay ang grupo ng mga matatanda. sina nanay at tatay… sina lol at lola na dala-dala pa ang kanilang mga anak at apo. karamihan di’y mga buntis,ang iba’y di na makalakad, ang iba’y may mga sakit.
sa hanay ng mga lalaki, karamiha’y nakahubad, mga walang damit at puro putik ang katawan. sina tatay at lolo pa nga’y mukhang naka inom at amoy alak pa… sabi pa ng isa “di naman masamang uminom…” automatic na dinespensahan ang sarili kahit na wala naman kaming ibig sabihin sa naipahayag naming “tay mukhang naka inum tayo ah”
sari-saring baranggay ang mga nagsidatingan at nakidayo pa ang taga ibang lugar, nagbabakasakaling may matanggap ding biyaya.
maraming nahuli si inspektor na namamantala sa pila, pero marami ring nakalusot.
nang naputol na ang pagbibigay ng relief goods, pag kaawa ang naramdaman kosa mga di naabutan, lalo na ang isang babaeng hawak-hawak ang kanyang anak, mangiyak-ngiyak nang marinig “wala na po, ubos na”
sa huli magkahalong lungkot at saya ang naramdaman ko. di ko malilimutan na naging bahagi ako ng pangyayaring ito.
one of the ABS-CBN’s SAGIP KAPAMILYA VOLUNTEER
deployed in SAN MATEO, RIZAL
OCTOBER 1, 2009 at the afternoon.