Matagl-tagal narin buhat nang maghiwalay si Mimay at Buboy. Hindi narin nila alam kung anong nangyayari sa bawat isa. Pagkatapos nilang maghiwalay, parang hindi na sila magkakilala.
Medyo limot narin ni Mimay ang nakaraan nila ngunit di parin nya maiwasang manghinayang. Sa tuwing, nakikita nya at napupuntahan ang mga lugar kung saan sila madalas magkasama, napapaisip sya na kung hindi lang sana sya naging makasarili, siguro sila parin ni Buboy hanggang ngayon. Ngunit huli narin naman na sa kanila ang lahat dahil mukhang nakalimutan narin sya ng binata.
Marami nang lalake ang dumating sa buhay ni Mimay. Napaibig sya ng mga ito ngunit hanggang panandalian lamang. Natatakot kasi sya na baka ganon ulit ang mangyari. Ang tanging pinanghahawakan nya na lang para maging masaya sya ay ang mga taong nasa paligid nya.
Isang araw, nagkayayaan ang magkakaibigang magsalu-salo sa bahay nila Gina upang ipagdiwang ang pagkapanalo nila sa banda. Kinabahan kaagad si Mimay dahil doon mismo nakatira si Buboy. Baka magkita sila.
At ganon na nga lang ang nangyari. Pilit man nyang kausapin si Buboy, walang lumalabas na salita sa bibig nya kanina pa. Dumaan na sa harapan, parang wala lang. Animoy hindi nila nakikita ang isa’t isa.
Dumagdag pa sa sakit ng nararamdaman ng dalaga nang maikwento minsan ni Fe na nagkakamabutihan na sila ni Buboy. Nginitian na lang ito ni Mimay na parang hindi naapektuhan pero sa loob loob nito, halos mamatay sya sa sakit na nararamdaman. Pilit man nyang ipasok sa isip na tapos na ang namamagitan sa kanilang dalawa, wala paring epekto lalo na’t mukhang tinatalo sya ng kanyang kaibigang si Fe.
beinspiredwith 